اليوم هو الثالث من أيام الحجر الصحي وعارفة انه في ناس فيكن عم يعدوا ايام ليرتاحوا من زناختي 🙈🙈🙈 وارجع للنكد والسياسة وسمة البدن (النكد بيسري بدمهن) 😄
وفي ناس عم تطالب وزارة الصحة عشان تضيف شهر لأيام الحجر عشان يضلوا يضحكوا ويرتاحوا من نكدي 😄
بس انا ولا سائلة بحدا 🙈الي بدي أعمله بعمله صفحتي وانا حرة فيها 😄😄😄
المهم وبجد ..
صحيح فكرة الحجر والأسر والحبسه بالبيت غصبن عني فكره كتير ازعجتني وصليت لرب العالمين يمرق هالفترة بدون انفجارات او انهيارات لاني بطبيعة الحال متمردة على كل شي فيه غصب وفرض.
بس ما توقعت انه الاقي كمية حب رهيبة من جيراني (انسوا عيلتي جلطوني بالمجاكرة😄)
ما توقعت انه جيراني (العرب طبعا) يتطوعوا في تقديم اي خدمة بحتاجها بالساعات الي بكون فيها لحالي .
يعني لما جارتي الين تتصل وتقلي : ما عليك شر جارتنا اعتبري اولادي اولادك وانا وزوجي اخوتك شو ما بتحتاجي بس رني تلفون . بدك اعملك مشتريات واحطلك اياهن جنب البيت انا حاضرة .
ولما جارتي التانية تتصل وتقلي عيونا الك جارتنا سلامة قلبك احنا موجودين باي شي بتحتاجيه ..
وجارنا البعيد يتصل ويقول: سناء انت اخت عزيزة واذا اخوتك مش ساكنين حدك احنا اخوتك شو بتحتاجي انا حاضر .
وصديقات بخططوا ييجوا على الحارة عندي ويطلقوا زامور السيارات ويحطوا غناني وطنية(هدول شريرات بدهن كاتيه العنصرية تهجم علي ) 😊😊😊
محبة عظيمة اجتاحتني بالحجر وطلع الحجر بيكشف جمال ومعدن الناس .
اسا المشكلة صار متطوعين كثر مش عارفه شو اطلب 😄😄😄😄
شكرا للحجر الصحي الي خلاني أعيش هيك لحظات مليانة حب ومحبة
وشكرا لرب العالمين الي جند قلوب البشر لمحبتي 💖💖
- (سلامتك العزيزة سناء)
- الكاتبة إعلامية وممثلة مسرحية ـ فلسطين
