يا ناس لسه الاعتداءات ما انتهت…ولسه فلسطين محتلة


اشترك معنا في قناة تلغرام: اضغط للاشتراك حمل تطبيق الملتقى الفلسطيني على آندرويد: اضغط للتحميل

انا اسفه جدا ما بدي اضج مضاجعكم بعرف انكم ما نمتوا ايام زينا ولا عيدتم ولا اتهنيتم علي لقمه…
بس بكل اسف يا جماعة لسه غزه محاصره ولسه رواتب الموظفين مقطوعه ولسه نسبه البطاله اكتر من ٥٠٪؜ ولسه أحنا اعلى كثافه سكانيه بالعالم ولسه تقريبا المعابر مسكره ولسه الكهربا قاطعه وزيدوا عليها الميه كمان لسه مرضى السرطان وغيرهم من الامراض المزمنه ما يتعالجوا في الوقت المناسب وعددهم في زياده ملحوظه ولسه ازمه الكورونا موجوده وزادت بعد استهداف العياده الوحيده الي بتفحص ولسه النساء والشباب بيتعنفوا من السلطه الابويه والذكوريه ولسه محرومين يشاركوا في السياسه ولسه اعضاء المكاتب السياسيه ملزقين في مكانهم… و ضيف علي كل هادا الدمار الهائل الي صار من الحرب الاخيره، مكاتب اعلامين ومحامين و اطباء وغيرهم قصفت بيوت مساجد شوارع ناس استشهدت… لسه في الاف اللاجئين في الملاجئ دون تغطيه…لسه في تروما في كل البلد لسه في واحده قتلها ابوها من ٣ ايام يعني في الحرب ستات بتنضرب و ستات سقطت مواليدها لسه الاتفاق ما عرفناه ولسه التهدئه ما تثبتت…
طيب بلاش كل ده لسه الاعتداءات في المسجد الاقصي والقدس والشيخ جراح زي ما هي وفي تهديدات اخطر لبيوت ناس كتير في الضفه الغربيه لسه في حمله اعتقالات كبيره في الضفه…
ولسه السلطه في المقاطعه نايمه نوم اهل الكهف…والاهم لسه فلسطين محتلة…
القصه ما انتهت وكل اشكال المقاومه مطلوبه من الجميع…
ممكن نكمل ولا تعبتوا واكتفيتوا بوقف اطلاق النار علي غزه علي اهميته ؟؟
اشترك معنا في قناة تلغرام: اضغط للاشتراك

حمل تطبيق الملتقى الفلسطيني على آندرويد: اضغط للتحميل

Author: فاطمة عاشور

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *