مجنون يحكي وعاقل يفهم ويفسر النا


اشترك معنا في قناة تلغرام: اضغط للاشتراك حمل تطبيق الملتقى الفلسطيني على آندرويد: اضغط للتحميل

هلق سلطة رام الله بتتهم النشطاء اللي اعتقلتهم انهم مندسين  ومدفوعين من جهات خارجية ولديهم أجندات مشبوهة…طيب عشان نفهم مشان الله .. مش هالسلطة  نفسها اللي موازناتها ورواتب اجهزتها الامنية والقمعية من  الجهات المانحة ومن المقاصة الإسرائيلية  اللي هي المشار لها بالاتهام  أنها بتقبض النشطاء…طيب احكوا شي يخش الراس شوية.وبلا هالهبل

واذا تركنا سلطة الغرز والحشاشة..النشطاء اللي طالعين يطالبوا بالحرية ومحاسبة قتلة الشهيد بنات، والمتهمين من قبل  سلطة رام الله انهم مدسوسين وأصحاب أجندات خارجية.. هذول مش نفسهم اللي   لما طلعت الثورة السورية عام 2011 وفوقهم قرطة الفصائل المحنطة همه  نفسهم وما حد غيرهم اللي وقفوا مع النظام الفاشي القاتل واتهموا المتظاهرين السوريين في كل المدن والقرى والبوادي بالخيانة وأنهم مندسين وعملاء السي. اي ايه والصهيونية وأصحاب أجندات خارجية..طيب هلق شو رايهم لما دارت الدويرة وصاروا همه كمان  مندسين وعملاء وأصحاب أجندات برأي سلطتهم العتيدة واللي ثلاث ارباعهم موظفين فيها…

والله شي بحط العقل بالكف…

عشان هيك حكينا من عام 2011 الحرية واحدة لا تتجزأ…وليس لها مكيالين إلا عند المنفصمين. وانا عارف اني فتحت علي عش الدبابير .وهالمنشور فشة خلق مش اكتر …وتصبحوا على وطن  حر ديمقراطي.

اشترك معنا في قناة تلغرام: اضغط للاشتراك

حمل تطبيق الملتقى الفلسطيني على آندرويد: اضغط للتحميل

Author: عماد سعيد أبو حطب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *