بابا.. علي شهابي اعتقل في 17/12/2012


اشترك معنا في قناة تلغرام: اضغط للاشتراك حمل تطبيق الملتقى الفلسطيني على آندرويد: اضغط للتحميل

اليوم ١٧/١٢/٢٠٢٠ صاروا تمن سنين بالضبط.. كل مرة بمتل هالتاريخ بحكي انه بابا اعتقل بهاد اليوم. متل اليوم العصريات اختفى بابا، صارت تدقلو ماما وما عد رد عالتلفون.. بعدني حافظة رقم بابا من وقت كنت صغيرة، حكالي مرة إنو لازم أحفظ رقمو إحتياط عشان إذا صار أي إشي وكنت لحالي أقدر أدقلو وهو رح يرد دغري لأنو موبايلو عطول بجيبتو.

٠٩٨٨٤٣٣٨٨٩

بأول فترة إعتقاله، كنت أكتب الرقم عالموبايل، وأدقلو.. إنو عساس الموبايل بضل بجيبتو ويفترض يرد!.. كنت أعرف إنو ما رح يرد.. بس إنو كنت أدقلو وأتخيل إنو رح يردّ

مرة بعد شهر من إعتقالو، فقت بالليل بعتله رسالة..

إنو صار لازم يجي،

وأحياناً كنت أبعتلو رسائل تانية، فكّر إنو حتى اذا ما شافها هلأ، بس يطلع ويسلّموه غراضو، بياخد الموبايل بفتح وبشوف إنو كنت أبعتلو رسائل عطول..

صاروا تمن سنين.

بعدني بكتبلو، عشان حتى اذا ما شافها هلأ، بس يطلع يقرأ.. يعرف إنو كنت أكتبلو عطول.

١٧/١٢/٢٠١٢ – ١٧/١٢/٢٠٢٠

اشترك معنا في قناة تلغرام: اضغط للاشتراك

حمل تطبيق الملتقى الفلسطيني على آندرويد: اضغط للتحميل

Author: سيدرا علي شهابي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *