اتق الله يا أبو العبد (هنية) …
هيَّك عملت العرب عربين، و بدال ما إحنا قاعدين عم نناقش كيف بدنا نكمل حربنا مع عدونا؟ دقينا ببعض من ورا كلمتين ما كان لهم ستين ألف لازمة، و إنت بتعرف إنه راح يصير هيك، و تعلق الناس ببعضها..
يا زلمة اتقِ الله فينا، هاي أول مرة الشعب الفلسطيني بيتوحد من رفح للناقورة لمخيمات اللجوء…. لآخر الدنيا! كان استنى كم يوم بس لتلقط الناس نفسها و تستوعب شو لازم تعمل؟!
يا جماعة كرمال الله! ما فيكم واحد حكيم يطلع يعتذر اعتذار صريح، إذا مش عشان الشعب السوري و العراقي عشان:
٤٢٠٠ فلسطيني قتلوا في تل الزعتر.
٢٧٨٤ فلسطيني قتلوا في مخيمات سورية على يد النظام السوري و إيران.
1794 معتقلاً فلسطينياً ما زالوا في السجون السورية.
أكثر من 560 فلسطينيًا قتلوا تحت التعذيب و لسه دمهم ما برد و دموع أمهاتهم ما نشفت.
١٥٠ ألف فلسطيني طردوا من سورية
١٣٢ معتقلة فلسطينية في أفرع الأمن السوري و لا يعلم بحالهن غير الله و بشار الأسد.
و هدول مش شأن سوري داخلي يا أستاذ خالد مشعل أبو الوليد، و عشان تتذكر، جزء منهم من حركة حماس و إنت اللي ورطتهم.
كل هدول ما لهم عندكم خاطر؟! و إذا مش مصدق فهاي إحصائيات( مجموعة العمل) و هم قالوا لك: يا أبو العبد صلي على النبي، و انتبه! بس حضرتك مفكر إنك إنت اللي صنعت النصر( تهديه لمن تشاء)، و الناس قاتلت و نزلت على الشوارع عشان سواد عيونك!
معقول إحنا بنظرك بدون جنسية مثل ما بتسمينا أوروبا؟!
حضرتك خليتنا بدون وجود، مش بس بدون جنسية!
و الله لنشده بالك مثل ما شدهت بالنا!
ـــــــــــــــــــــــــــــــــــــــــــــــــــــــــــــــــ
#حكيم_غوراني_قديم_شوي (من بوست)
About The Author
